Таклиф этилган маърузачи ва экспертлар

Етакчи давлатларнинг Ўзбекистон билан икки томонлама ҳамкорлиги  масалалари, давлат хизмати тизими ҳамда дунё тараққиётининг долзарб муаммолари бўйича Академия тингловчилари учун маъруза ўқишга Тошкентда аккредитациядан ўтган ҳорижий давлатлар дипломатик ваколатхоналари раҳбраларини таклиф этиш яхши анъанага айланиб улгурди.

 

2018 йил 15 март куни Ўзбекистон Республикаси Президенти ҳузуридаги Давлат бошқаруви академиясида “Давлат хизматини модернизация қилиш: жаҳон тажрибаси ва Ўзбекистондаги ислоҳотлар” мавзусида семинар бўлиб ўтди. Мазкур тадбир Академия томонидан Япониянинг Нагоя университетининг Тошкент шаҳридаги Ваколатхонаси ҳамда Бирлашган Миллатлар Ташкилоти Тараққиёт Дастури билан ҳамкорликда ўтказилди. Семинарда Нагоя университетидан ташриф буюрган япон мутахассислари билан бир қаторда, Ўзбекистон Республикаси Олий Мажлиси Сенати, Адлия ҳамда Бандлик ва меҳнат муносабатлари вазирликлари, Ўзбекистон Республикаси Бош прокуратураси, “Тараққиёт стратегияси” Маркази, Амалдаги қонун ҳужжатлари мониторинги институти ва мамлакатдаги бошқа олий таълим муассасалари вакиллари иштирок этдилар.              Батафсил…