Бугун Ўзбекистон Республикаси Президенти ҳузуридаги Давлат бошқаруви академиясида Давлат хизматини ривожлантириш агентлиги томонидан ташкил этилган "Келажак лидерлари" номли ўқитиш дастури ўз ишини бошлади.

Дастур очилишида Давлат хизматини ривожлантириш агентлиги директорининг биринчи ўринбосари Отбек Хасанов ва Ёшлар ишлари агентлиги директори Алишер Саъдуллаев иштирок этиб, дастур тингловчиларига бугун ёшларга берилаётган эътибор, ишонч ва имкониятлар ҳақида сўз юритди. Шунингдек, уларни ўқишларига улкан зафарлар тилади.

Маълумот ўрнида айтиб ўтадиган бўлсак, тингловчилар қарийб уч ой давомида турли соҳалар бўйича ўз билим ва тажрибасини оширадилар.